Kasimir Haspinger - Druckversion +- Athalon Forum (https://board.athalon.de) +-- Forum: Minecraft (https://board.athalon.de/forumdisplay.php?fid=22) +--- Forum: Charakterbögen (https://board.athalon.de/forumdisplay.php?fid=19) +--- Thema: Kasimir Haspinger (/showthread.php?tid=2215)

Kasimir Haspinger - Decaprius - 17.12.2024 I. Charakterhintergrund Attributspunkte: 250 Fähigkeitenpunkte: 250 ➤ Name Kasimir Haspinger ➤ Alter 25 ➤ Äußerliche Erscheinung Geschlecht: Männlich Alter: 25 Jahre    | Größe: 180m     | Gewicht: 115kg Haarfarbe: Hellblond Augenfarbe: Blau Da Haspinger Kasimir is a stämmig bauter, mehr Fett wia Muskeln trogender, blonder, blauäugiger Monn mit höem Hautton. An ordentlichen Vollbort trogend, is sei Grinsen so broat wia sei Gsicht: De rundere Nosen, de woi scho so einiges mitgmocht hot, verleiht eam insgesomt a bäriges Aussehen. Seine großen Händ und Fiaß runden des Büd eines 'wohlgenährten' Bühlmorker ob; vü tasperinischer wie ea ku ma nimma ausschaun. Oft begleitet und kündigt eam a charakteristisches Stompfen und Vibrieren vom Boden on. ➤ Angewohnheiten Da Kasi is a buntes Mischmasch an vü Eigenschoften. Treu, oba ned treudoof. Gläubig, oba koa Fanat, empathisch, oba ned idiotisch. Er orbeitet wirklich sehr gern mit onane Leid und ku si a guad in sie hineivasetzn. Grundsätzlich oafoch a hüfsbereita Mensch, der gean a amoi auf eigene Kostn si verausgob, wenn ea's für richtig hoid. In vielerlei Hinsicht gemäßigt, leb er trotzdem extrem: Imma auf da Suach noch a greßeren Herausforderung, noch am greßeren Rausch, oder a einschneidenden Erfohrung. Egal ob spirituell oder weltlich, er wort nur auf an neichn Schmerz, der eam bricht, oba stärker wiederaufbaut. Grad im Kampf wead er nahezu ekstasisch, da jede Möglichkeit zum draufgeh' Inspiration zum überlem is. Kasimir locht gern, locht laut, locht am liabsten mit andere zammen. Lochen is sei Reaktion auf so ziemlich olles; Schmerz, Freude, Saufobende, Begräbnisse, Sieg & Niederlage.. sei Humor is vielfältig, a gern morbid. Er glab fest dron, dass ma über ois a lochen kenna muas, a wenns a bissl dauert bis ma soweit is. A recht eigene Einstellung hod er zum Tod; er trauert grundsätzlich ned um Tote, weil er ned versteht warum. Kemmen doch eh ins Himmereich, wenns brav wor'n, mia seng se jo eh boid wieda! Außerdem gehts de Toten ohnehin vü bessa ois die Lebenden, de hom ihr selige Ruah. ➤ Weltanschauung Kasimir Haspinger is vor ollem oans - A woschechta, gstondena Bühlmorka Bua. Fleißig, as Lem am genießen, brav de Leid am Griaßen, oba am markantesten: Hort orbeitend und nia am sumsen. A wenns Lem in da Bühlmork guad is, so isses trotzdem zahnig: Stürmische, vo Hochwossa gezeichnete Summa, Koide Winta, da Frühling und da Herbst dafia umso schener. Im Lem kimb ma, laut Kasimir, vom beschwern a ned weida. Im Gegentei, easd indemsd über deine Grenzen hinausgehst und es oafoch aushoitst, onstott die über ois aufzreng, wochst du über die sowa hinauß.  Sicha hod a trotzdem a Temprament; oba ea woas es guad eizusetzn, wonns eam hüft und wonns eam eher eischränkt, vor oim beim Umgong mit verdächtige Leid. Er war ned in da Kirchn wenn er ned gläubig warad, und dad a ned dienen oder auf Befehlsgwolt horchn, wenn er de notwendige Autorität des Koasas ned verstehn darad. Trotzdem bleib ea gern amoi skeptisch und hoit sie söwa ned für oi zu ernst, weil er woas, das jeder am Ende des Togs a lei a Mensch is. Und es wead ohnehin nia a so hoaß g'essn wia kocht, wieso donn ned a des Privileg a bissl nutzen, dass Deyn Cador eh fost ois vergib? ➤ Ängste und Phobien Freilich fiarcht er sie söba am ollameisten davur, zu früh sein Leffe obzgem. Ned, weil er sie vorm Tod oder am Sterm fiarcht, sondern weil er scho no einiges sehn, doa und erleben mecht. Athalon is riesig, überoi gibs Chaos zu bekämpfen, G'schichten zum schreim, Ehrfurcht zu erlem und Ehre zu gwinnen, beweisn und verteiding. Und da Kasimir wead ned sott dron, sie kopfüber in an nechsten Trubel z'stürzen, denn er hod vor ollem oans: Ambition. A wenn er recht furchtlos is, so löst aloa der Gedanke an des unendliche Chaos, des Skrettjah is, a kloane Existenzkrisn in eam aus. Neidisch is er scho auf de Unbedarften, de mit dem Schreckn niamois in Kontakt kemmen sand - weil wer amoi woas, wos do ausn ois so is, der ku ned glam dass de Menschen sie wegen am scheiß Opfe niederstechn. Ollgemein fiarcht er sie, dass Bühlmork oder glei gonz Tasperin irgendwonn amoi sein Biss verliert; de Bürger bequem und orbeitsscheich wean, hinterlistig und egoistisch hondeln, mit am oafochen und beschwerlichen Leben z'frien san, anstott stets für a bessere Zukunft z'haggln. Genauso furchtbor: Dumme Leid. Vor oim, dumme Leid in da foischen Position. Doch Schiss hot er am ollermoasten vo oam oanzigen Monn: Absalom Garrat, seim Ausbüdner. II. Charaktergeschichte ➤ Wo wurde der Charakter geboren? Nationalität: Kaiserliche Monarchie Tasperin Geburtsort: Ippenstedt ➤ Wer sind die Eltern und Verwandte deines Charakters, sind sie noch am Leben? Seine Öttan, Josef und Marianne, hom fünf Kinder zua Wöd brocht, nur drei homs Kindesolter überleb. Die zwoa jüngsten - Anna & Eva - woren leider zu schwoch, nur de Buam san groß woan. Da ötteste, Jakob, griag as Gosthaus. Er, ois zwoatöttester, hod zua Kirch geh- und da jüngste Bua, Alexander, zum Heer noch Rabenfels messn. So is' Lem in da Bühlmork, ma suacht sis für gewöhnlich ned aus. De Erziehung wor hort, silvanisch, oba lehrreich. Während seiner Zeit in Ippenstedt hod er am Wochenende dahoam im Gosthaus ausghöffn, oba a wirkliche Bindung hod ea zu seiner Familie nia kob - de Haspinger san ollgemein kühle Leid.  ➤ Was hat dein Charakter gemacht, bevor er nach Neu Corethon kam? Ois junger Buasch, bis ins wehrfähige Öter, wor ea Mädchen-für-alles im Gosthaus "Jagerwirt" seiner Öttan in Ippenstedt. Koidn Schnops ausm Köah hoin, ausgschitts Bier aufwischn, an bsuffenen Pforra hoambringa oda a obkassieren: Kasimir hod vo onfong on oiwe orbeitn messn. Ols Zwoatgebohrena Sohn hod sei Lem ollerdings, wias in da Bühlmork hoid Brauch is, da Kirch keaht. So wor ea in seiner Jugend a oafocha Laienbruada bei da berühmtn Mikaelswochn in Ippenstedt, in da Hoffnung, dass ea a amoi zu da Elitetruppn kead. Olladings hod er easd mit 18 ois Onwärta ufonga deafn - oba in da normalen Mikaelana-Struktur, da er z'jung und z'kompfunerfohren wor als auch koane Beziehungen vorweisen hod kenna. Immerhin worn seine Vorfohrn a oiweo scho Wirtsleid. Da Herrgott hod jedoch nu ondere Pläne fia eam bereit kob. Mit Ufong 20 hod ea an Einsotz kob, der eam schwar erschüttert hod. Tiaf in de Mina vu Ippenstedt wor ea Zeuge, wia Kultisten der Decrapia den Dämon Hur-Amarm beschworen hoben.. wenn ma überhaub 'Zeuge' sogen konn, weil Kasimir sie an wenig erinnern ku. Wos er nu woaß is, dass noch dem unfossboren Schwoll an Chaos, der die topferen Ordenskämpfer lahmgleg hod, aus der drohenden Niederlog oa Monn mit unfossborem Kompfwillen den Dämon schiaga zerrissen und verbonnt hot: Absalom Garrat, Inquisitor der Heiligen Inquisition. Ohne eam hätt woas Deyn wos blüht fia Ippenstedt; und er hod ned amal mit da Wimper zuckt danoch. De Begegnung mit eam, und des Zeugniss seiner schieren Kroft, wor wirklich schicksolshoft fia Kasimir's weiteren Werdegong. ➤ Warum hat der Charakter sein gewohntes Leben hinter sich gelassen? Wiedermoi hod da Kasi koa Wohl kob - aus Gründen, die er söwa ned vasteht, hod da Inquisitor Garrat eam noch de Ereignisse in de Ippenstedter Minen ois Inquisitonsanwärter zwongsrekrutiert. Aufgrund hervorrogender Leistung kus amoi ned sei. Ea vermutet, dass da Inquisitor eigentlich an storken, bronzenen Ordensritter der Mikaelswoche woid, se owa koan heagem hom unds desweng oafoch an Kasimir troffen hod, als normaln Onwärta; wissen konn ea's natürlich ned. Da Inquisitor hods eam a nie gsog; er red ollgemein wenig bis gornix mid eam.  De Regeln san vo onfong on klorgstellt worden: Er soi zuschauen, lerna, die Bappn hoidn, jederzeit mim Schlimmsten rechnen und jede Onweisung, sofort und mit ollen Mitteln, umsetzn. Kling leicht, oba es is olles ondere ols des. Jedes Mol, wenn Kasimir mit de Gedonken obschweift, merkt Garrat des sofort - und donn setzt's ordentlich wos. Wenn da Inquisitor in Gosthäuser bsoffen de Bauern zommschlog, deaf ea ned amol mit da Wimper zucken, sonst erwischt's eam genauso. Jede sinnlose Grausomkeit muas er dulden - a ihm gegenüber - und Grausomkeiten hod Garrat gnuag auf Loger. Aber do passen se zwoa guad zomm: Wenn des Tavernenmadl gebrochen is, donn is Kasi de verständnisvolle Schuiter, der dann gern mehr erzöht wead. Auf oamoi san de Bauern doch ned so unschuldig wia ma gmoant hod; plötzlich wean sie vo selba geständig, wenn a Inquisitor 'sinnlos' im Dorf wiat. A wenn er mit dem meisten ned einverstonden is und Todesongst vor Garrat hod - er is a Lehrmeister, der sie g'waschn hat. Noch einigen Johren der 'Rumtreiberei', in Kasimirs Augen, hod da Garrat sie dazu entschieden, in de Westwind-Inseln z'reisn, weil er auf Corethon 'noch was zu klären hat' - und sich damit wiedermoi der direkten Anweisung seines Hochinquisitors widasetzt, der eam ins frisch integrierte Wyllion gschickt hätt. Kasimir hod solong den Auftrog, in Neu Corethon de Ausbildung zum Ordensritter zu absolvieren - und er is heilfroh drüber. Sovü Freiheit hod ea seit da Zwangsrekrutierung ned kob, und de Auszeit der knollhorten, brutalen, schmerzhoften Faust Garrat's konn er guad gebrauchen.  ➤ Was hat dein Charakter in seiner Heimat zurückgelassen? Die wunderschöne Buhlmark hod er z'rugglossn, wos eam as Herz brochen hot. De schenen, traditionsreichen Häuser wia sie glänzen; den Duft vom würzigen Bergkas wia er durch die Gassen weht, de klore, vu Kräuter an'ghauchte Gebirgssluft die de Otemwege frei mocht. Des schmockhofte, schäumende, goldene Bühlmorka Bia, de brummenden und melodischen Ziehharmonika, wozu de schenen, blonden, langhaarigen Madl in ihren Diandln sie kreisen, lochend und unbeschwert. De Kindheitsfreind, mit denen ea Berg gongen is, auf der Olmhitten an Sonnenuntergang im Tal beobochtet, und sie donn untan Tisch gsoffn hat. Die saftigen grünen Wiesn, de beeindruckenden Minenschächte, des G'fühl des Zusammenhoits - nur Hoamweh hat er seit der erzwungenen Obreise vu Ippenstedt mitgnommen. ➤ Was möchte dein Charakter erreichen, welches Ziel hat er? Kasimir will unbedingt, dringend und am liabsten gestern scho, Inquisitor wean - damit er endlich frei is. Er hosst Garrat, er verabscheut eam, und doch bewundert er eam wegen der Freiheit und der Kraft, die dieser Mensch hod. Inquisitonsanwärter z'sei is koa Garantie dafür, Inquisitor zwean: Bei Garrat gehst du wahrscheinlich vorher drauf, oder du weasd nur Inquisitionswoche, und dann wär er sei Leben long an des Oaschloch angekettet. Ober irgendwonn wead Kasimir stork, ausdauernd, gerissen und erfohren gnuag sei und Garrat übertrumpfen und die Leiter der Inquisition erklimmen, bis ea endlich frei genug is, wieder hoam geh zu kennen. Andererseits mecht er sie a spirituell und theologisch, ned NUR waffentechnisch (worauf er am allermeisten Lust hat), weiterbilden. Er hofft, durch de Ausbildung zum Ordensritter a geistig näher zu Deyn Cador & Solerben zu finden, sorridianisch und altsorridianisch z'leana da des als Inquisitor Pflicht is. Insbesondere de Natur vom Chaos zu versteh; er nogt immer nu dron, wia ehemalige guade Freind vu eam si hom Decrapia zuwenden, und dabei jedem so ins Gsicht liang hom kennen. Insgeheim hofft er a, in Neu Corethon a echtes Teil der Gmoa z'wean, Freindschoften z'schliaßen und irgenda Gefüh vu Zommenhoid zu generieren, wia's in Ippenstedt Gong und Gebe is. Auf jeden Foll wead ea oba sei Bestes gem, um seiner Rolle ols Kirchen- und Inquisitionsonwärta gerecht z'wean. III. Charakterwerte ➤ Lebenspunkte: 18/18 ➤ Stabilitätspunkte: 65/65 ➤ Karmapunkte: 50/99 ➤ Staturbonus: 1 ➤ Schwere Wunde? Nein! ➤ Psychische Probleme? Nein! IV. Charakterfertigkeiten Stärke 60% (5) ☐ 40% Handgemenge ☐ 30% Werfen - 20% Nahkampfwaffen (Grob)     ☐ 60% Äxte Konstitution 45% (0) ☐ 40% Vitalität ☐ 50% Athletik ☐ 20% Klettern ☐ 10% Schwimmen Geschicklichkeit 40% (0) ☐ 40% Ausweichen - 15% Nahkampfwaffen (Fein) - 10% Fernkampfwaffen ☐ 10% Reiten ☐ 20% Heimlichkeit ☐ 20% Fingerfertigkeit Intelligenz 40% (0) ☐ 10% Heilkunde - 0% Wissen - 0% Handwerk - 0% Muttersprache     ☐ 40% Tasperin - 0% Fremdsprachen - 0% Kunst Geist 65% (5) ☐ 45% Wahrnehmung ☐ 45% Horchen ☐ 25% Orientierung ☐ 35% Intuition ☐ 65% Willenskraft ☐ 50% Menschenkenntnis